失敗

心愛嘅囡囡，

今日係二零一三年嘅一月六號。 可能到妳識睇中文， 呢個部落格已經唔存在。

我想話妮知我係一個好失敗嘅爸爸。 今日晏晝，我因好小事, 竟然話講出父母千萬唔可講嘅三個字： 唔要妳。 然後真係開始走， 嚇到妳嗌破喉嚨，成個教會庭園都靜晒。之後返到屋企，又因好小事 鬧到妳狗血淋頭, 鬧到妳唔單只喊，而係喊到要揾地捐。

係我嘅錯， 而且係大錯特錯。好多時我忘記妳只得三歲，我對妳既期望實在太大，對妳一D都唔公平。

乖女，爸B對妳唔住。 我由下晝到而加個心重頂住訂住。 呢個內疚感係我應得，但我喺妳心靈留下嘅傷痕，我盼望耶穌可以為妳醫治裹好。

女， 我知錯喇。 妳可唔可以再次原諒爸B呢？

一個失敗嘅，
   爸爸